Жұмыс бағыты - Оқу жұмысы

1-4 сыныптарда оқу пәндерін оқыту

Бастауыш білім негізгі жалпы білім алу үшін негіз болып табылады. Бастауыш білім беру процесінде баланың жеке басын жан-жақты психологиялық-медициналық-педагогикалық зерттеу жүзеге асырылады. Бастауыш сынып оқушыларында оқу іс-әрекеті,тәуелсіздік дағдылары қалыптасады. Жалпы және сөйлеуді дамыту, моториканың бұзылуын түзету, зияткерлік және эмоционалды-еріктік салалардағы ауытқулар, балалардың мінез-құлқы бойынша жұмыстар жүргізілуде.

0 және 1-сыныптарда баллдық бағалар қойылмайды.

Оқушылардың оқудағы дамуының деңгейі  ілгерілеуінің нәтижесі олардың өнімді қызметі, сөйлеу, жазбаша жұмыстар, суреттер талдау, ұсақ-түйектер негізінде анықталады.

 

5 - 10 сыныптарда оқу пәндерін оқыту

Негізгі орта білім оқушыларға жалпы білім беру даярлығын қамтамасыз етеді, ол практикалық бағыттылыққа ие және олардың психофизикалық мүмкіндіктеріне сәйкес келеді. Әртүрлі еңбек түрлері бойынша дағдылар қалыптасады, алғашқы кәсіби еңбекке баулу жүзеге асырылады. Барлық білімді бақылау түрлері (ауызша, жазбаша, практикалық) І бөлім оқушылары үшін тек оқу әрекетін ынталандыру және оқушыларды белсенді ету мақсатында дәстүрлі бес балдық шкала бойынша бағаланады. Әр тоқсанда І бөлім оқушылары үшін аралық бағалар шығарылады, ал тоқсандық бағалардың қорытындысы бойынша жылдық бағалар белгіленеді. «2» қорытынды бағасы оқу жылын қайталауға себеп болмайды. Зиятында бұзылыстары бар оқушылар екінші жылға қалдырмайды.

 

ІІ бөлім оқушыларын оқыту

Зиятында орташа бұзылыстары бар оқушылардың жеткілікті саны болған жағдайда мектепте арнайы сыныптары бар екінші бөлім ашылады. Зиятында орташа бұзылыстары бар оқушыларды оқыту Типтік оқу жоспарымен және осы санаттағы оқушылар үшін дайындалған Типтік оқу бағдарламалары негізінде әзірленген жеке оқу бағдарламаларына сәйкес жүзеге асырылады. Оқушының психологиялық-педагогикалық зерттеуі педагогтар мен психологиялық-педагогикалық қолдау мамандарының көмегімен жүргізіледі. Жеке оқу бағдарламасы жарты жылдыққа жасалады, жеке оқу бағдарламасының жүзеге асырылу мерзімі аяқталған соң әр оқушының жетістіктері талданып, келесі жарты жылдыққа арналған жеке оқу бағдарламасы әзірленеді. Педагог әр оқушының жеке мүмкіндіктері мен білім алу және тұлғалық жетістіктер мониторингінің нәтижелерін ескере отырып, оқу мазмұнын, әдістерін, формаларын, дидактикалық құралдарын таңдайды. Оқу мазмұны келесілерге бағытталған: өзін-өзі тану туралы түсініктерді қалыптастыру; тұрмыстық еңбек дағдылары мен өмір сүру дағдыларын қалыптастыру; қоршаған орта туралы қарапайым түсініктер және әлеуметтік және табиғи ортада бағдарлану дағдылары; коммуникативті дағдыларды дамыту; қолжетімді еңбек қызметін меңгеру; жалпы білім беретін пәндер бойынша қолжетімді білімдер, олар практикалық бағыттылыққа ие және тәрбиеленушілердің психофизикалық мүмкіндіктеріне сәйкес келеді. ІІ бөлім оқушыларының жетістіктерін бағалағанда, білім алу процесінің даралау негізінде критериялық сипаттамалық бағалау қолданылады.

 

Еңбекке баулу және дене тәрбиесі

Еңбекке баулу жергілікті жағдайлар мен оқушылардың психофизикалық дамуы, денсаулығы және мүмкіндіктерін ескере отырып ұйымдастырылады: ағаш өңдеу және тігін ісі. Кәсіби - еңбекке баулу сабағына 4-сыныптан бастап оқушылар екі топқа бөлінеді. Зиятында бұзылыстары бар балаларды оқыту мектепті бітіргенде еңбекке баулу бойынша емтиханмен аяқталады. Оқушылар белгіленген тәртіп бойынша бітіру емтихандарынан босатылуы мүмкін. Әлеуметтік - тұрмыстық бағдарлау сабақтарын өткізу кезінде сыныптар екі топқа бөлінеді. Жазғы еңбек тәжірибесі оқу жылының соңында өткізіліп, әр оқушының әлеуметтік және психофизикалық ерекшеліктерін ескере отырып мектеп базасында жүзеге асырылады. Еңбек тәжірибесін өту мерзімі мен тәртібі мектептің педагогикалық кеңесімен анықталады. Түзету жұмыста бейімделген дене тәрбиесі сабақтары маңызды рөл атқарады. Негізгі міндеттерді шешумен қатар — балалардың денсаулығын нығайту және шынықтыру, дұрыс физикалық дамуды қамтамасыз ету, қимыл дағдылары мен шеберліктерін үйрету — арнайы мектептегі дене шынықтыру сабақтары зияты бұзылған оқушылардың дене дамуындағы кемшіліктер мен моторикасының бұзылуын жеңу арқылы түзету міндеттерін шешеді.

 

Түзету жұмыс

Педагогтар мен психологиялық-педагогикалық қолдау мамандарының жұмысы командалық тәсілді пайдалана отырып жүзеге асырылады, мектеп директоры бекітетін ішкі нормативтік актілермен реттеледі. Арнайы мектептің оқушылары психологиялық-педагогикалық қолдау мамандары өткізетін фронтальды, топтық және жеке сабақтарда арнайы психологиялық-педагогикалық көмек алады, олар Типтік оқу жоспарының тиісті бөлімінде (түзету компонент) бөлінген сағаттар шеңберінде, күннің бірінші және екінші жартысында да өткізіледі. Зиятында бұзылыстары бар (жеңіл және орташа деңгейдегі) оқушылар үшін түзету цикл сабақтары келесі міндеттерді шешеді:

- қимыл әрекетінің (жалпы және ұсақ моторика) жетілдірілуі;

- эмоционалдық сала, коммуникативтік дағдылар, әлеуметтік қабылданған мінез-құлық нормалары, еңбекқорлықты дамыту;

- танымдық қызметтің дамуы;

- оқу және алғашқы кәсіби қызметтің дамуы.

Жеке және топтық коррекциялық сабақтардың ұзақтығы 20-25 минутты құрайды. Кіші топтар сөйлеу және психофизикалық бұзылулардың біркелкілігін ескере отырып жинақталады. Түзету компонентінің пәндері бойынша жетістіктерді бағалау баллмен қойылмайды, сипаттамалық түрде болады.

 

Жеке үйде оқыту

Жеке жоспар бойынша үйде оқыту — бұл оқушының үй жағдайында білім алатын білім беру түрі, ал оқу процесі арнайы оқу бағдарламаларына негізделген жеке жоспарлар бойынша жүзеге асырылады. Үйде оқитын оқушылар мектептің арнайы мамандарының кеңес беру қызметін алады және сабақтан тыс уақытта іс-шараларға тартылады.