1974 жылы Целиноград қаласында екі қосалқы мектеп болды: қаланың батыс бөлігінде «№2 қосалқы мектеп-интернаты» және «Пригородный» елді мекенінде «№1 қосалқы мектеп-интернаты».

1994 жылы мектептер біріктіріліп, қала орталығына, №7 орта мектептің босап қалған ғимаратына көшірілді. 2002 жылы қосалқы мектеп түзету мектеп деп аталды. 2018 жылы «мектеп-интернат» статусынан «мектеп» статусына ауыстырылды, себебі екінші арнайы мектеп ашылды.

Арнайы мектептерде, арнайы сыныптарда оқу-тәрбие үдерісі келесі нормативтік-құқықтық құжаттармен реттеледі:

- Қазақстан Республикасы Оқу-ағарту министрінің 2022 жылғы 31 тамыздағы № 385 «Тиісті типтердегі және түрлердегі мектепке дейінгі, орта, техникалық және кәсіптік, орта білімнен кейінгі, қосымша білім беру ұйымдары қызметінің үлгілік қағидаларын бекіту туралы» бұйрығы;

- Қазақстан Республикасы Білім және ғылым министрінің 2009 жылғы 13 шілдедегі N 338 «Педагог лауазымдарының үлгілік біліктілік сипаттамаларын бекіту туралы» бұйрығы;

- Қазақстан Республикасы Білім және ғылым министрінің 2012 жылғы 8 қарашадағы № 500 «Қазақстан Республикасындағы бастауыш, негізгі орта, жалпы орта білім берудің үлгілік оқу жоспарларын бекіту туралы» бұйрығы

- Ерекше білім беру қажеттіліктері бар білім алушыларға арналған үлгілік оқу бағдарламалары (ҚР БҒМ 05.02.2020 ж. № 51, 20.09.2018 ж. № 469 бұйрықтары), зиятында орташа бұзылыстары бар білім алушыларға арналған үлгілік оқу бағдарламаларының жобалары.